AFFA İntizam Komitəsinin növbəti iclası keçrilib. Fanat.Az xəbər verir ki, komitə üzvləri Premyer Liqanın və əvəzedicilərin çempionatının XXII turunda qeydə alınan qayda pozuntularına hüquqi qiymət verib.
Premyer Liqanın “Neftçi” - “Qəbələ” matçının 83-cü dəqiqəsində meydan sahiblərinin azarkeşləri tərəfindən pirotexniki vasitələrdən istifadə olunub. Bu səbəbdən klub 800 manat cərimələnib.
"Neftçi"nin əvəzedici komandası da klubu ziyana salıb. Belə ki, komandanın 5 üzvü "Qəbələ" ilə oyunda sarı vərəqə alıb və AFFA 400 manat cərimə kəsib.
"Sumqayıt"ın əvəzediciləri isə 4 futbolçu sarı vərəqə aldığından eyni məbləğdə cərimə ödəyəcək.
Fanat.Az