Türkiyə gimnastı: "Bakıda Dünya Kuboku yarışlarında gözəl atmosfer yaradılıb"

Türkiyə gimnastı: "Bakıda Dünya Kuboku yarışlarında gözəl atmosfer yaradılıb"
13:42 16 Mart 2017
62 İdman
Ölkə mətbuatı
A- A+

Bakıda keçirilən Dünya Kuboku yarışlarında gözəl atmosfer yaradılıb.

Milli.Az xəbər verir ki, bunu Trend-ə Türkiyənin bu yarışlarda təmsilçisi Doğa Ketençi deyib.

D.Ketençi ilk rotasiya qadınlar arasında dayaqla tullanma hərəkətlərində iştirak edərək üç gimnast arasında 12.866 xal yığıb.

Türkiyəli gimnast bildirib: "Yarışların təşkili çox yüksək səviyyədədir. Milli Gimnastika Arenasındakı atmosfer isə yaxşı, uğurlu çıxışlara ilhamlandırır".

Qeyd edək ki, Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku mərhələsi martın 19-dək davam edəcək. Artıq ikinci ildir ki, paytaxtımızın ev sahibliyi etdiyi bu turnirdə 23 ölkədən idmançılar çıxış edəcək.

Turnirin ilk 2 günü təsnifat mərhələləri, son 2 günü isə ayrı-ayrı alətlər üzrə finallar baş tutacaq. Yeni Olimpiya dövrünün 2017-ci ildən qüvvəyə minən yeni qaydaları əsasında kişi gimnastlar 6, qadın gimnastlar isə 4 dəst medal uğrunda mübarizə aparacaqlar.

Məşhur kişi idmançılar arasında Olimpiya çempionları Elefterios Petrunias (Yunanıstan), Kristian Berki (Macarıstan), Olimpiya Oyunlarının gümüş mükafatçısı Filip Ude (Xorvatiya) və Avropa çempionu Aleksandr Şatilov (İsrail) peşəkar çıxışları ilə hər kəsi heyran edəcəklər.

Qadın idmançılar arasında isə 3 qat Olimpiya çempionu Katalina Ponor (Rumıniya) və Olimpiya Oyunlarının qızıl medalçısı Oksana Çusovitina (hazırda Özbəkistanı təmsil edir) kimi məşhur gimnastlar yer alacaqlar.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/sport/526720.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR