Fransanın Qras şəhərində litseydə atışma olub.
Milli.Az virtualaz.org-a istinadən bildirir ki,hadisənin terror aktı olmadığı, şəxsi münaqişə zəminində törədildiyi müəyyənləşib. Belə ki, ilkin xəbərə əsasən, 17 yaşlı oğlan litsey rəhbərliyinə atəş açıb. Nəticədə direktor və daha 7 nəfər yaralanıb.
Hadisəni törədən gəncin iki tapança, ov bıçağı və iki təlim qumbarası ilə silahlandığı bildirilir. Yerli KİV-in məlumatına görə, onun hədəfi məktəb direktoru olub.
Artıq həmin şəxs saxlanılıb, onunla əlbir olduğu ehtimal olunan şəxs isə axtarılır.
Milli.Az
Digər maraqlı xəbərlər Milli.Az-ın Facebook səhifəsində
