Rusiyanın Sankt-Peterburq şəhərində yaşayış evlərinin birində yanğın baş verib.
Publika.az "TASS"-a istinadən xəbər verir ki, yanğın nəticəsində biri azyaşlı uşaq olmaqla 4 nəfər ölüb.
Telman küçəsində yerləşən evlərdən birində yanğın nəticəsində dünyasını dəyişən 2 qadın və bir kişinin cəsədi tapılıb. 2013-cü il təvəllüdlü azyaşlı uşaq yanğından sağ çıxarılaraq xəstəxanaya yerləşdirilsə də, onun həyatının xilas etmək mümkün olmayıb.
Hadisə ilə bağlı "Ehtiyatsızlıqdan adam öldürmə" maddəsi ilə cinayət işi başlanılıb.
