Türkiyənin "Trabzonspor" klubunun rəhbərliyi stadionda vandalizm probleminin həllinə fərqli yanaşıb.
"Report" xəbər verir ki, klub azarkeşlərdən birini qayda-qanunu pozduğuna görə cəzalandırıb.
Türk fanat "Trabzonspor"un oyunu zamanı ayaqqabı ilə
oturacaqlardan birinin üzərinə çıxıb və şəkil çəkdirərək sosial
şəbəkəyə yerləşdirib. Komandanın mətbuat xidməti azarkeşi tapıb və
onu "Medikal Park Arena"da 10 min oturacağı yumağa vadar edib. 
