Azərbaycanda növbəti əfv verilib. Azərbaycan
Prezidenti İlham Əliyev martın 12-də Fransaya səfər edib.
Ermənistan prezidenti Serj Sarkisyan martın 14-də Moskvaya səfər
edib. Ekspertlər isə Dağlıq Qarabağda müharibə və toqquşmaların
qaçılmaz olacağını düşünürlər. Ermənistanda isə parlament seçkiləri
öncəsi ciddi toqquşmalar yaşanır. Həftənin gündəmində yer alan
mövzulardan biri də Türkiyə və Avropa ölkələri arasındakı gərginlik
oldu. Vaşinqton Pxenyanı müharibə ilə hədələdi.
Azərbaycanda növbəti əfv verilib.
Azərbaycan Prezidenti İlham Əliyev bu gün bu barədə sərəncam
imzalayıb.
Prezident bu şəxsləri əfv etdi - ADLAR (YENİLƏNDİ)
Azərbaycan Respublikasının Prezidenti İlham Əliyevin
martın 13-də Parisdə Fransa Şirkətlər Hərəkatının (MEDEF) biznes
şurasının üzvləri ilə görüşü olub. Dövlət başçısı
Azərbaycanın işğal olunmuş ərazilərində Avropadan, həmçinin
Fransadan olan bəzi şirkətlərin fəaliyyəti ilə bağlı narahatlığını
dilə gətirib.
Prezident: "İşğal altındakı ərazilərimizdə Avropadan olan bəzi şirkətlərin fəaliyyəti qəbuledilməzdir" - FOTO
İlham Əliyevin martın 13-də Parisdə Fransa Şirkətlər Hərəkatının (MEDEF) biznes şurasının üzvləri ilə görüşü olub.
Azərbaycan Prezidenti İlham Əliyev martın 14-də
Parisdə fransalı həmkarı Fransua Ollandla görüşüb.
Azərbaycan dövlət başçısı Fransua Olland ilə mətbuata birgə
bəyanatı zamanı bildirib ki, tezliklə status-kvonun
dəyişdirilməsini və Dağlıq Qarabağ münaqişəsinə son qoyulmasını
istəyir.
İlham Əliyev: "Biz istəyirik ki, tezliklə münaqişəyə son qoyulsun"
Fransa prezidenti də qeyd edib ki, Dağlıq Qarabağda
mövcud status-kvo qəbuledilməzdir: “Mövcud status-kvo
qəbuledilməzdir. Risklər var və biz bunu keçən ilin aprel ayında
baş verən insidentdən də gördük".
Martın 16-da Bakıda ikigünlük V Qlobal Forum
başlayıb. Azərbaycan Prezidenti İlham Əliyev forumun
açılışında çıxışı zamanı Ermənistan və Azərbaycan arasında həll
olunmamış münaqişəni region üçün təhlükə adlandırıb.
“Azərbaycanın Dağlıq Qarabağ bölgəsi və onun ətrafındakı yeddi
rayon Ermənistanın işğalı altındadır. İşğal olunmuş ərazilərdə
bütün infrastruktur, dini abidələr, məbədlər dağıdılıb. Bu, ATƏT-in
iki faktaraşdırıcı missiyasının hesabatında da təsdiqini tapıb”, -
Prezidenti İlham Əliyev söyləyib.
Prezident: "Ermənistan və Azərbaycan arasında həll olunmamış münaqişə region üçün təhlükədir"
ATƏT-in Minsk qrupunun həmsədr ölkələrinin rəhbərləri dəfələrlə bəyan ediblər ki, status-kvo dəyişməlidir.
Martın 18-də Bakıda Azərbaycan xalqının milli
bayramı - Novruz münasibətilə ümumxalq şənliyi
keçirilib. Azərbaycan Respublikasının Prezidenti
İlham Əliyev, birinci xanım Mehriban Əliyeva və Heydər Əliyev
Fondunun vitse-prezidenti Leyla Əliyeva Novruz şənliyində iştirak
ediblər.
Siyasətimizin əsas məsələsinin Ermənistan-Azərbaycan, Dağlıq
Qarabağ münaqişəsi olduğunu deyən dövlət başçımız nəyin bahasına
olursa-olsun ərazi bütövlüyümüzü bərpa edəcəyini vurğulayıb.
Martın 14-də Ermənistan prezidenti Serj Sarkisyan
Moskvaya səfər edib. Bir gün sonra isə Sarkisyanla
Rusiya przidenti Vladimir Putin arasında görüş keçirilib. Görüşün
yekunları ilə bağlı Vladimir Putin bildirib ki, Rusiya Dağlıq
Qarabağ münaqişəsi ətrafında vəziyyətin nizamlanması yollarının
axtarılmasında köməyini davam etdirir.
“Rusiya ATƏT-in Minsk Qrupu çərçivəsində, eləcə də İrəvan və
Bakı ilə birbaşa münasibətlər çərçivəsində bu münaqişənin
qarşılıqlı münasib həllinin tapılmasına hər cür dəstəyini
göstərməyə davam edir", - Rusiya prezidenti deyib.
Ekspertlər isə Dağlıq Qarabağda müharibə və
toqquşmaların qaçılmaz olacağını düşünürlər. Məsələn,
erməni politoloq Ara Papyan bu fikirdədir. Papyan münaqişənin həlli
ilə bağlı Rusiyannın təklif etdiyi “Kazan düsturu”ndan danışıb.
Hansı ki, bu “Madrid prinsipləri” əsasında hazırlanıb.
İrəvanın “5 rayon və 600 min qaçqın” planına qarşı MÜHARİBƏ HAZIRLIĞI
“Qarabağda toqquşmalar və müharibə qaçılmaz olacaq”.
Martın 16-da “Sasna Çrer” qruplaşmasının
“çörəkdaşıyan”ı Artur Sarkisyanın ölümü Ermənistanda seçkiöncəsi
vəziyyəti kəskinləşdirib. “Azad demokratlar”
partiyasından deputatlığa namizəd Anait Baxşyan Artur Sarkisyanın
ölümünün Ermənistanda hakimiyyət dəyişikliyinin anonsu olduğunu
deyib.
Sarkisyanın qəfil ölümü: Ermənistanda alternativ hökumət qurulur
Dünən “Sasna Çrer” qruplaşmasının “çörəkdaşıyan”ı Artur Sarkisyanın ölümü Ermənistanda seçkiöncəsi vəziyyəti kəskinləşdirib.
Ermənistanda parlament seçkiləri öncəsi ciddi
toqquşmalar yaşanır. Armavir rayonunun Crarat
kəndində hakimiyyət nümayəndələri ilə müxalifətçilər arasında
silahlı toqquşmadan sonra gərginlik davam edir.
“Müstəqil müşahidə” ittifaqı martın 12-də baş verən toqquşmadan
sonra kənddə hələ də fövqəladə vəziyyətin davam etdiyini açıqlayıb.
Hadisələr keçmiş xarici işlər naziri Vardan Oskanyan, “İrs”
partiyasının sədri Raffi Ovanesyan və keçmiş müdafiə naziri Seyran
Ohanyanın yaratdığı “Oskanyan-Raffi-Ohanyan” (ORO) blokunun
seçkiqabağı dövrdə kənddə keçirdiyi təbliğat kampaniyası zamanı baş
verib.
Siyasi müşahidəçilər Ermənistanda aprelin 2-də keçiriləcək
parlament seçkilərinin qanlı olacağını deyirlər.
Avtomatlar işə düşdü: İrəvanda KÜÇƏ DÖYÜŞLƏRİ - VİDEO
Ermənistanda parlament seçkiləri öncəsi ciddi toqquşmalar yaşanır.
“Jamanak” qəzetinin yazdığına görə Ermənistanda
hakimiyyətə qarşı silahlı üsyan hazırlanır. Nəşr
yazır ki, “Ohanyan-Raffi-Oskanyan” bloku seçkidə parlamentdə təmsil
olunmasalar, silahlı üsyan başlayacaq. Qeyd edilir ki, İrəvanda,
həmçinin, Ermənistanın digər bölgələrində “Sasna Srer -2” ssenarisi
hazırlanır.
Dövlət binaları tutulacaq, silahlar... - Kremlin Qarabağ planına qarşı QİYAM
Ermənistanda hakimiyyətə qarşı silahlı üsyan hazırlanır.
Rusiya Federasiyasının prezidenti yanında Vətəndaş
cəmiyyətinin inkişafı və insan hüquqları birliyinin, prezident
yanında İctimai Palatanın üzvü Maksim Şevçenkonun sözlərinə görə,
Dağlıq Qarabağ münaqişəsinin həlli ilə bağlı yeni formatın
yaradılması təklif edilir. O, martın 14-də Bakıda
keçirilən “Dağlıq Qarabağ münaqişəsi: mənşəyi, sülhməramlılıq və
vətəndaş cəmiyyətinin rolu” adlı beynəlxalq elmi-praktik konfransda
qeyd edib ki, ATƏT-in Minsk qrupu vasitəçilik imitasiyası edib.
M.Şevçenko bidirib ki, ATƏT-in Minsk qrupunun fəaliyyətinin
məğlubiyyəti, onun üzvləri, xüsusilə də ABŞ və başqaları vəziyyətin
həllində maraqlı deyillər.
Dağlıq Qarabağ münaqişəsinin həlli ilə bağlı yeni FORMAT təklifi
Dağlıq Qarabağ münaqişəsinin həlli ilə bağlı yeni formatın yaradılması təklif edilir.
Rusiya Xarici İşlər Nazirliyinin başçısı Sergey
Lavrov “Regional Post –Caucasus” jurnalına müsahibəsində
Türkiyə-Ermənistan münasibətlərindən danışıb.Onun
sözlərinə görə, Moskva Ermənistan və Türkiyənin danışıqlarına kömək
etməyə hazırdır.
Dağlıq Qarabağ yaddan çıxdı: Moskvadan Bakını QƏZƏBLƏNDİRƏCƏK BƏYANAT
Həftənin gündəmində yer alan mövzulardan biri də
Türkiyə və Avropa ölkələri arasındakı gərginlik oldu.
Türkiyə və Niderland arasında diplomatik böhran böyüməkdə davam
edir. Hiderlandın Türkiyənin xarici işlər nazir Mövlud Çavuşoğlunun
təyyarəsinə eniş icazəsi verməməsi, eyni zamanda ailə və sosial
siyasət naziri Fatma Betül Sayan Kayanın Türkiyənin Rotterdamdakı
baş konsulluğuna buraxılmaması Ankara və Amsterdam arasında
qalmaqal yaradıb.
Ankara isə Avropa İttifaqını miqrant razılaşması
üzərində hədələyib. Türkiyənin xarici işlər naziri
Mövlud Çavuşoğlu bildirib ki, Avropa İttifaqı Türkiyə vətəndaşları
üçün sadələşdirilmiş viza rejimini tətbiq etməsə, Ankara miqrant
razılaşması ilə əlaqədar addımları atacaq.
Türkiyə Prezidenti Rəcəb Tayyib Ərdoğan isə
Niderlanda Srebrenitsa soyqırımında oynadıqları rolu
xatırladıb. “Onların əxlaqına 8 min bosniyalını qətlə
yetirmələrindən bələdik. Kimsə bizə mədəniyyət dərsi verməsin. Bu
millətin alnı açıq, üzü ağ, onlarınkı isə qaradır” - Rəcəb Tayyib
Ərdoğan vurğulayıb.
Türkiyə prezidenti: “Hollandiyanı Srebrenitsa soyqırımından tanıyırıq”
BMT 1993-cü ildə Srebrenitsanı bosniyalılar üçün təhlükəsiz bölgə elan edib.
Avstriya hökuməti də türk siyasətçilərin seçki
kampaniyalarının keçirilməsini qadağan edib. Bu
barədə Avstriya Baş naziri Kristian Kern açıqlama yayıb. “Türk
nazirlər referendum üçün Avstriyada seçki kampaniyası keçirmək
istəsə, buna mane olmağa çalışacağam. Cəmiyyətin təhlükəsizliyinə
görə belə cəhdin qarşısını almalıyam”, - o deyib.
Niderlandda maraqla gözlənilən parlament
seçkilərinin nəticələri dəqiqləşib. Avropanın, bütün dünyanın əsas
diqqəti ultrasağçıların qələbə qazanıb-qazanmayacağına yönəlmişdi.
Lakin bu baş vermədi. Seçkilərdə 33 mandat qazanan
baş nazir Mark Ruttenin lideri olduğu Azadlıq və Demokratiya üçün
Xalq Partiyası (VVD) qələbə qazanıb. İrqçi lider Gert Vildersin
ifrat sağçı Azadlıq Partiyası (PVV) isə gözlədiyi partlayışı edə
bilməyib.
“Brexit” və Trampdan sonra... – QİYAMƏT TƏXİRƏ SALINDI
Ankara S-400 “Triumf” zenit-raket komplekslərini
NATO-nun hava hücumundan müdafiə sistemi ilə
birləşdirməyəcək. Bu haqda Türkiyənin müdafiə naziri
Fikri İşık deyib.
Türkiyə Müdafiə Nazirliyinin başçısı bir gün əvvəl isə S-400
zenit-raket kompleklərinin çatdırılmaları üzrə Moskva ilə
danışıqlarda irəliləyişin olduğunu bildirib. Amma qeyd edib ki,
hələlik konkret razılıq yoxdur.
Putin və Ərdoğan son nöqtəni qoymağa yaxındır – NATO-ya SARSIDICI ZƏRBƏ
Suriya prezidenti Bəşər Əsəd Avropa Parlamentinin
nümayəndə heyəti ilə görüşdə Avropanın ünvanına ağır ittihamlar
səsləndirib. Əsədin sözlərinə görə, bir sıra Avropa
ölkələrinin Suriya və Yaxın Şərq dövlətləri ilə bağlı səhv siyasəti
regionda terrorizmin yayılmasına gətirib çıxarıb.
“Dəməşqə qarşı iqtisadi sanksiyaların tətbiqi ilə bağlı Avropa
ölkələrinin siyasəti terrorizmin yayılmasına və Avropa ölkələrinə
qaçqınların böyük axınına gətirib çıxardı”, - Əsəd bildirib.
Suriya böhranının həlli üzrə Astana danışıqlarının
növbəti raundu 14-15 mart tarixlərində keçirilib.
Suriyanın silahlı müxalifəti danışıqlara qatılmayıb.
ABŞ prezidenti Donald Trampın İŞİD-i məhv etmə
planının detalları mediaya sızıb. “NBC Nerws”un
məlumatına görə, artıq həmin gizli plan hazırdır.
Məxfi müharibə planı ÜZƏ ÇIXDI: düşməni 3 mərhələdə MƏHV EDƏCƏK DETALLAR
Düşməni 3 mərhələdə məhv ediləcək
Rusiya hökuməti Gürcüstandan bitərəfli ayrılan
Cənubi Osetiya separatçı refimin müxtəlif hərbi hissələrinin Rusiya
ordusunun tərkibinə daxil olması haqqında “razılaşma”nı
təsdiqləyib. “Razılaşma”ya əsasən, bundan sonra
qondarma respublikanın hərbi biletləri Rusiya ərazisində
tanınacaq.
Xatırladaq ki, 2008-ci ilin avqustunda baş verən
Rusiya-Gürcüstan müharibəsindən sonra qondarma rejimin müstəqilliyi
Rusiya tərəfindən tanınıb.
Avropa İttifaqı Rusiya və Ukrayna vətəndaşlarına
qarşı sanksiyaların müddətinin daha 6 ay – 2017-ci il sentyabrın
15-nə kimi uzadıb. Sanksiyalara məruz qalan şəxslərin
maliyyə aktivləri dondurulur və Avropa İtttifaqına üzv ölkələrə
girişi qadağan edilir. Qeyd edilir ki, sözügedən şəxslər Ukraynanın
ərazi bütövlüyü və müstəqilliyini pozmaqda ittiham olunur.
“Qara siyahı” təkrar gözdən keçirilib. Ölümü ilə əlaqədar iki
nəfər siyahıdan çıxarılıb.
Böyük Britaniya Baş naziri Tereza Mey Şotlandiyada
müstəqilliklə bağlı ikinci referendumun keçirilmə tarixini
təsdiqləməkdən imtina edib. Mey bu barədə qərarını
jurnalistlərə açıqlamasında söyləyib.
Qeyd edək ki, Şotlandiya bir müddət öncə müstəqilliklə bağlı
ikinci referendum keçirəcəyini açıqlayıb. Şotlandiyanın Birinci
naziri Nikola Stercen bu addımı şotlandları “Brexit”dən qorumaq
üçün atdığını bəyan edib. Şotlandiyada müstəqilliklə bağlı ilk
referendum 2014-cü ildə keçirilib. O zaman əhalinin 55 faizi
Britaniyadan ayrılmağın əleyhinə səs vermişdi.
Liviyanın şərqində fəaliyyət göstərən hökumət
Rusiyadan hərbi qulluqçuların təliminə və hərbi texnikanın təmirinə
kömək etməyi xahiş edib. Bu haqda Liviya Nümayəndələr
Palatasının (parlament) spikeri Akilya Saleh İsa “RİA-Novosti”
agentliyinə bildirib.
Putin daha bir ölkəni ələ keçirir - II SURİYA SSENARİSİ
"Rusiya terrorizmlə mübarizədə bizə kömək etməyə söz verib”
Ukrayna prezidenti Pyotr Poroşenko Milli
Təhlükəsizlik və Müdafiə Şurasına Donetsk və Luqansk “xalq
respublikaları” ilə nəqliyyat əlaqəsini tamamilə dayandırmağı
təklif edib. “Milli Təhlükəsizlik və Müdafiə Şurasına
işğal olunmuş ərazilərlə nəqliyyat əlaqəsinin tamamilə
dayandırılmasını haqqında qərar qəbul etməyi təklif edirəm. Bu
qadağa işğalçılar tərəfindən oğurlanmış Ukrayna müəssisələrinin
Ukraynanın yurisdiksiyasına qaytarılacağına qədər davam edəcək”, -
Poroşenko deyib.
Ukrayna prezidenti vurğulayıb ki, “DXR” və “LXR”in təklif etdiyi
şərtlərlə işləməyə razılaşan müəssisələr sanksiyalara məruz
qalacaqlar.
Koreya Xalq Demokratik Respublikası (KXDR) nüvə
silahını inkişaf etdirməyə davam edəcəyi halda hərbi müdaxilə
variantı da gündəmə gələ bilər. Bunu Cənubi Koreyaya
səfər edən ABŞ dövlət katibi Reks Tillerson bu ölkənin xarici işlər
naziri Yun Ben Senlə görüşündə deyib. Tillerson nüvə silahından
imtinanı KXDR-in təhlükəsizliyi və iqtisadi inkişafı üçün tək yol
adlandırıb:
“Şimali Koreya anlamalıdır ki, təhlükəsizlik və iqtisadi
çiçəklənməyə nail olmaq üçün kütləvi qırğın silahının
hazırlanmasından, həmçinin nüvə silahı və ballistik raketlərdən
imtina etmək tək yoldur”.
Ömər Dağlı
Xəbərin orijinal ünvanı: http://publika.az/news/nida_tehlil/191875.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)