ABŞ-da əfsanəvi amerikalı musiqiçi Çak Berri vəfat edib.
“Report” xəbər verir ki, bu barədə “Fox News” telekanalı məlumat yayıb.
Bildirilir ki, musiqiçi Missuri ştatındakı evində huşunu itirib. Göstərilən cəhdlərə baxmayaraq, Berrini həyata qaytarmaq mümkün olmayıb.
1926-cı ildə doğulan müğənni və gitaraçı Çak Berri rok-n-roll
tarixində ən nüfuzlu ifaçılardan biri hesab olunur. O, 1986-cı ildə
rok-n-rollun Şöhrət zalına daxil edilən ilk musiqiçilərdəndir.
Berri “Rolling Stone” jurnalının versiyasına görə, bütün dövrlərin
100 ən böyük ifaçıları siyahısına daxil edilib və orada 5-ci yeri
tutub. O, “Qremmi” mükafatı laureatı idi.