Azərbaycan yığmasında oynayacağı dəqiqləşən Riçard Almeydanın debüt matçı bəllidi. Fanat.Az-a verilən məlumata görə, "Qarabağ"ın braziliyalı yarımmüdafiəçisi iyunun 10-da yığma formasıyla meydanda olacaq.
Bu, millinin çalışdırıcısı Robert Prosineçkinin istəyidi. Xorvat DÇ-2018-in seçmə mərhələsi çərçivəsində yayın ilk ayında üz-üzə gələcəyimiz Şimali İrlandiyayla ev oyununda Almeydanın oynamasını vacib sayır. Artıq FİFA-dan AFFA-ya ürəkaçan cavab gəlib. Adətən bu tip prosesləri 3 aya yekunlaşdıran ali futbol qurumu Azərbaycan tərəfinə vaxtından əvvəl müjdə verib.
Qeyd edək ki, milliləşdirilmiş əcnəbilərin başqa ölkənin seçməsində oynamasına razılığı FİFA-nın Oyunçuların Statusu Komitəsi verir.
Fanat.Az
