“Rauf Əliyev yaxşı hücumçudu. Qətərlə oyunda da xoş təsir bağışlamışdı. Onun yığmaya dəvət almamasının səbəbi yaxşı formada olmaması deyil”. Bu sözləri Fanat.Az-a açıqlamasında millinin məşqçisi Mahmud Qurbanov deyib.
Robert Prosineçkinin köməkçisi martın 26-da baş tutacaq Azərbaycan – Almaniya matçı üçün açıqlanan 26 nəfərlik siyahıda Əliyevin adının gözə dəyməməsinə belə aydınlıq gətirib: “Yığmaya 3 nominal hücumçu dəvət edilib. Nəzərə alsaq ki, Ağabala Ramazanovla Ruslan Qurbanov da forvard mövqeyində oynamağı bacarır, deməli, bir mövqe üçün 5, Namiq Ələsgərovu da saysaq, 6 oyunçu var. Adətən bir mövqeyə 2 futbolçu nəzərdə tutulduğunu bilirsiz. Raufun kənarda qalması qarşıdakı matçlara dəvət almayacağı anlamına gəlməməlidi. Bu, baş məşqçinin seçimidi”.
Fanat.Az
