Məşhur müğənni Sami Yusif Heydər Əliyev Sarayında keçirəcəyi konsertlə bağlı bu gün mətbuat konfransı keçirib.
Publika.az-ın Musavat.com-a istinadən verdiyi məlumata görə, müğənni konfrans zamanı sonuncu "Eurovision" səs yarışmasında Ermənistan təmsilçisini dəstəkləməyi ilə bağlı yayılan məlumatlara aydınlıq gətirib.
S.Yusif bildirib ki, bu xəbər yalandır, sözləri təhrif edilib:
"İstanbulda olarkən "Yeni Şafak" qəzetinin müxbiri məndən müsahibə
almaq istədi və mən də razılıq verdim. 1 saatlıq müsahibədə ilk
sualı saqqalımla bağlı oldu. Mən mədəni davranıb, müsahibəyə davam
etdim. Müsahibə bitdi. Bundan sonra söhbət əsnaslnda məndən
"Eurovison"dakı Azərbaycan təmsilcisi ilə bağlı sual verdi. Mən də
dedim ki, yaxşı mahnıdır. Amma təəssüf ki, Azərbaycanı təmsil edən
mahnıda milli arqamentlər yoxdur. Milli musiqi alətləri olsa yaxşı
olardı. Sonra isə Ermənistan təmsilcisi ilə bağlı sual verdi. Ona
da belə cavab verdim: "Təəssüf ki, onlar buna əməl ediblər. Öz
mahnılarında erməni mədəniyyəti hiss olunurdu". Bu söhbətdən sonra
verdiyim müsahibə kənarda qaldı, müsahibədən kənar danışdığım
təhrif edilərək dərc edildi".