SsangYong Koreya şirkəti Cenevrə avtosalonunu gozləmədi və yeni konseptual krossoverin ilk şəkillərini göstərdi. Bu krossoverin təqdimat mərasimi martın əvvəlində keçiriləcək.
Milli.Az auto.az-a istinadən bildirir ki, yeddiyerli ortaölçülü prototip XAVL (eXciting Authentic Vehicle Long) iki il əvvəl təqdim edilən və seriyalı yolsuzluq avtomobili Korando-nun üslubunda olan beşyerli konsept XAV-in inkişaf etmiş variantıdır.
Hələ ki, yeni SsangYong XAVL haqqında çox danışılmır. Güman edilir ki,avtomobil 4,6 metr uzunluq və 2,7 təkər bazası ilə ölçülərinə görə Skoda Kodiaq və Nissan X-Trail-ə yaxın olacaq.
SsangYong-da, həmçinin, yeni krossoverin benzin və dizel mühərrikləri, qabaqcıl təhlükəsizlik sistemləri, avtomobillər arası "rabitə" funksiyası və rəqəmsal cihaz paneli ilə əlverişli olacağı məlumat verilir.
Milli.Az
Digər maraqlı xəbərlər Milli.Az-ın Facebook səhifəsində 
