Gürcüstan prezidenti Georgi Marqvelaşvilinin qızı qalmaqallı iddia səsləndirib.
Milli.Az "qafqazinfo"-ya istinadən xəbər verir ki, Anna Marqvelaşvilinin iddiasında Dövlət Təhlükəsizlik Xidmətinin əməkdaşları onun ailə üzvlərini təqib etdiyini vurğulayıb.
Bundan başqa, Anna onu da qeyd edib ki, polislər onların ailə dostu Mixail Tataraşvilinin cibinə narkotik atıblar. Tataraşvilinin saxlanıldığı gün barədə danışan Anna Marqvelaşvili "17 martda Mişa saxlanılan gün DTX-nin əməkdaşları ögey bacım Maşo Çiçuanın əri Mindiya Qoqoçurinin evinin qarşısında dayanmışdılar. Bilmirəm bunu təqib, yoxsa repressiya kimi qəbul edim", - deyib.
Qeyd edək ki, ötən ilin yayında prezident Marqvelaşlivi təhlükəsizlik orqanlarının onun ailəsinə təzyiq göstərdiyini və icazəsiz onların evində axtarış apardığını bildirmişdi.
Milli.Az
Digər maraqlı xəbərlər Milli.Az-ın Facebook səhifəsində
