Ermənistanın Energetika və Təbii Sərvətlər Nazirliyi Belarus prezidenti Aleksandr Lukaşenkonun fikirlərini təsdiqləyib.
Publika.az xəbər verir ki, bu barədə sensasiyalı məlumatı Ermənistanın “Armenpress” portalı yayıb.
Məlumatda deyilir ki, Ermənistanın atom elektrik stansiyasından radioaktiv maddələr yüklənən təyyarə Belarusun Qomel şəhərində yerləşən hava limanına eniş edib.
Portal yazır ki, Belarusun “JSC Aircompany Grodno” hava yollarına məxsus təyyarə 2017-ci il martın 15-də Ermənistandan yüklənən radioaktiv maddələri Xorvatiya sərhədlərinə çatdırmaq üçün Qomel şəhərinə uçub.
Ermənistanın Energetika və Təbii Sərvətlər Nazirliyi sözügedən məlumatı portala təsdiq edib.
Xatırladaq ki, bu yaxınlarda Belarus prezidenti Aleksandr Lukaşenko ölkəsi üzərindən Ermənistandan Avropaya nüvə və radioaktiv maddələrin daşındığını bəyan edib.
Vasif Həsənli