Azərbaycanın boşanmış qadın müğənniləri

Dünyanın bir çox ulduzları kimi, yerli məşhurlarımız da uğursuz evlilikləri ilə gündəmə gəlirlər. Bəs, şou-biznesimizin boşanmış qadınları kimlərdir?

Metbuat.az bununla bağlı kiçik araşdırma aparıb.

Yeni boşanmışlar siyahısında müğənni Lətifə Soyuöz var. O, 7 illik ailə həyatına 2016-cı ildə son qoyub. Müğənni ayrılığa görə peşman olmadığını vurğulayıb.

Tanınmış müğənni Sevda Ələkbərzadə də cənubi azərbaycanlı ərindən dostcasına ayrılanlar arasındadır. Bu ayrılığa səbəb ifaçının keçmiş həyat yoldaşının ABŞ-da yaşaması idi.


Rəqsanə İsmayılovanın da adı boşanmışlar siyahısındadır. İlk dəfə Goranboy rayonunda ailə həyatı quran Rəqsanə, daha sonra ərindən boşanıb.

Əməkdar artist Elza Seyidcahan isə bu günə qədər bir dəfə evlənib. Lakin onun da bu evliliyi uzun sürməyib. İfaçı açıqlamalarının birində həyatında heç kəsin olmadığını vurğulayıb.

Müğənni Nura Suri isə şou-biznesdə 3 dəfə ailə həyatı qurması ilə tanınır. İfaçı 3 oğul anası olsa da, illərlə dəyişməyən görünüşü ilə diqqət cəlb edir.

Əməkdar artist Tünzalə Ağayeva həyatında bir dəfə rejissor Rəhmanla ailə həyatı qurub. Lakin daha sonra ondan boşanıb.


Xalq artisti Aygün Kazımova isə İlqar adlı bəylə ailəli olub. Onlar uzun illərdir ayrılsalar da, hələ də rəsmən boşanmadıqları deyilir.

Əməkdar artist Röya Ayxan 2008-2014-cü illərdə Anar Cəlilovla nikahda olub. Cütlüyün bu evlilikdən Hüseyn adlı oğlu var.

Aşıq Samirə də şou-biznesin tanınmış prodüsserlərindən olan Rizvan Məmmədovla yollarını ayırsa da, bu gün də dostluqlarını qorumağa çalışır.

Əməkdar artist Lalə Məmmədova ərindən qalmaqalla ayrılan xanım müğənnilərimiz siyahısındadır. O, boşandıqdan sonra keçmiş həyat yoldaşını alfons adlandırmışdı. Onun bu sözlərini isə qarşı tərəf yalanlamışdı.

Rəvan Nasiroğlu / Metbuat.az


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR