Azərbaycan himni Moskvada səsləndi və bayrağı yüksəldi! - FOTO

Azərbaycan himni Moskvada səsləndi və bayrağı yüksəldi! - FOTO
15:57 23 Mart 2017
Ölkə mətbuatı
A- A+

Azərbaycan Çempionları və Kəpəz Kubokunun sahibləri Moskvada keçirilən Avropa Çempionatına müasir və folklor rəqsləri üzrə yarışmaya qatıldılar.

Emil Pənahovun şagirdləri - "Alov" kollektivi üç kateqoriyada təqdim olundular. Birinci kateqoriya duet mini kidz " Sudan Gələn" rəqsi, ikinci kateqoriya duet yunior " Naz Eləmə" rəqsi, üçünçü kateqoriya folklor stlizasiya ansambl ( 9 nəfər ) "Sarı Gəlin" rəqsi ilə. 

Müsabiqənin nəticələrinə görə "Sudan Gələn" rəqsi Avropa Çempionatında birinci yerə laiq görüldü. "Naz Eləmə" rəqsi üçüncü yerə. "Sarı Gəlin" rəqsi isə ikinçi yerə laiq görüldü. 

"Nəticələr çox qənaətbəxşdir! Rusiya, Belçika, Şotlandiya, Çexiya, Polşa, Qazaxıstan, Ukrayna və bir çox başqaları ilə folklor rəqslərində rəqabət aparmaq. Finala keçib öndə olan yerləri tutmaq bizim üçün çox sevindirici haldır. Bizim rəqqasların ruh yüksəkliyi, özlərinə inamı, həmçinin bədii rəhbərləri olan Emil Pənahovun bacarığı və məktəbin direktoru Əziz Qarayusiflinin onlara inamı qalib olmağa inamlarını daha da artırdı. Biz yalnız finalda deyil, həmçinin digər iki rəqsdə də fəxri kürsüyə qalxdıq. "Paris"mərkəzində Avropada bütün tamaşaçılar milli himnin sədaları altında Azərbaycan rəqqaslarını ayaq üstə alqışlayırdılar. Bir daha bu gözəl nəticə ilə bütün komandanı təbrik edirəm!
Rəqs Federasiyası və Dünya İncəsənət və Rəqs Federasiyasının ( WADF (World Art & Dance Federation) rəhbərliyi ilə əvvəlcədən danışıqlar əsasında, Azərbaycanda Folklor və Xalq İncəsənət Dünya Çempionatına ev sahibliyi etmək hüququ verildi. Bu möhtəşəm tədbirin tarixi ilə bağlı danışıqlar Avropa Çempionatından dərhal sonra başlayacaq", - Azərbaycan Rəqs Assosiasiyasının prezidenti Əziz Əzizov dedi.

















Xəbərin orijinal ünvanı: http://news.milli.az/culture/528498.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR