“O, Rusiya təcavüzünün...” – Sabiq deputatın qətlində ŞOK SİRR

“O, Rusiya təcavüzünün...” – Sabiq deputatın qətlində ŞOK SİRR
18:18 23 Mart 2017
108 Dünya
Ölkə mətbuatı
A- A+

Ukrayna prezidenti Pyotr Poroşenko Rusiya Dövlət Dumasının sabiq deputatı Denis Voronenkovun qətlindən sonra təhlükəsizlik qurumlarının nümayəndələri ilə müşavirə keçirib.

Publika.az “Obozrevatel” nəşrinə istinadən xəbər verir ki, bu haqda sosial şəbəkəsindəki səhifəsində dövlət başçısının mətbuat katibi Svyatoslav Seqolko yazıb.

“Denis Voronenkovun Kiyevin mərkəzində xain qətli Rusiyanın dövlət terrorizmi aktıdır. Sabiq deputat siyasi fikirlərinə görə Rusiyanı tərk etməyə məcbur olmuşdu. Qətl Rusiya xüsusi xidmət orqanlarının açıq xəttidir. Bu, daha əvvəl müxtəlif Avropa paytaxtlarında dəfələrlə görünüb”, - deyə Poroşenko bildirib.

Prezident həmçinin xatırladıb ki, Voronenkov Rusiyanın Ukraynaya qarşı təcavüzünün əsas şahidlərindən biri idi.

Kremlin mətbuat xidmətinin rəhbəri Dmitri Peskov isə Denis Voronenkovun qətlində Rusiya izinin olması ilə bağlı bəyanatları absurd adlandırıb.

Qeyd edək ki, Rusiya Dumasının sabiq deputatı bu gün Kiyevdəki otellərdən birində qətlə yetirilib. Voronenkov 2016-cı ildə cinayət təqibinə görə Ukraynaya qaçıb. O, Kommunist Partiyasından Dumaya deputat seçilmişdi. Rusiya onu beynəlxalq axtarışa vermişdi.

Ömər


Xəbərin orijinal ünvanı: http://publika.az/news/dunya/192280.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR