Millimiz martın 26-da Almaniya ilə üz-üzə gələcək. Fanat.Az xəbər verir ki, son dünya çempionunu “Tofiq Bəhramov”da qəbul edəcək təmsilçimiz indiyədək “bundestim”lə 4 dəfə qarşılaşıb.
Maraqlıdı ki, bütün oyunlar alman mütəxəssis Berti Foqts yığmamıza başçılıq etdiyi dönəmə təsadüf edib. Geridə qalan qarşılaşmaların hamısında Foqtsun həmyerlisi Yoahim Lövlə münasibətlərinə aydınlıq gətirməsi də faktdı. 2006-cı ildən ölkəsinin yığmasının “sükanını ələ keçirən” Löv 2004-2006 aralığında seçmə komandada Yürgen Klinsmanın köməkçisi qismində işləyib. Seçməmizi öz meydanında keçirdiyi oyunlarda 2 dəfə darmadağın edən almanlar Azərbaycanda baş tutan duellərin ikisində də 2 top fərqiylə qələbə qazanıb. Statistikaya əsasən Foqts dönəmindəkindən zəif olmayan yığmanın doğma meydanda rüsvay olmayacağını proqnozlaşdırmaq mümkündü.
Azərbaycan yığması Almaniyaya qarşı
12 avqust 2009. Bakı. DÇ. Azərbaycan - Almaniya - 0:2
9 sentyabr 2009. Hannover. DÇ. Almaniya - Azərbaycan - 4:0
7 sentyabr 2010. Köln. AÇ. Almaniya - Azərbaycan - 6:1
7 iyun 2011. Bakı. AÇ. Azərbaycan – Almaniya - 1:3
Fanat.Az
