Birləşmiş Ərəb Əmirliklərində uzunluğu 5,52 kilometr olan qızıl zəncir istehsal edilib.
ANS PRESS-in məlumatına görə, yerli “The National” qəzeti bildirir ki, tezliklə bu zərgərlik məmulatı Ginnesin rekordlar kitabına salınacaq. Zəncirin ağırlığı 256 kiloqram, qiyməti isə altı milyon dollara yaxındır. Zənciri 45 gün ərzində 100 zərgər yığıb. İş vaxtı o, dəfələrlə qırılıb.
Hazırda zəncir Dubayın köhnə hissəsindəki qızıl bazarında saxlanır. Ginnesin rekordlar kitabına salınmasından sonra zənciri hissələrə bölüb satacaqlar.