AFFA İntizam Komitəsinin növbəti iclası keçrilib. Fanat.Az xəbər verir ki, komitə üzvləri I divizionun XX və XXI turunda qeydə alınan qayda pozuntularına hüquqi qiymət verib.
XX tura görə yalnız MOİK 80 manat cərimə edilib. Belə ki, ordu klubunun 4 üzvü "Zaqatala" ilə oyunda sarı vərəqə alıb.
XXI turun "Energetik" - "Şahdağ" oyunun 90+1-ci dəqiqəsində qonaqlardan Elnur Şiriyev aqresiv davranışa görə, birbaşa qırmızı vərəqə alıb. bir dəqiqə sonra meydan sahiblərindən Əsgər Nəbiyev kobud oyuna görə birbaşa qırmızı vərəqə alıb. Hər iki futbolçu 2 oyun cəzalandırılıb, klubları 160 manat cərimə edilib. "Energetik" 4 futbolçusu sarı vərəqə aldığından əlavə 80 manat cərimə ödəyəcək.
Turun MOİK - “Şəmkir” matçının 40-cı dəqiqəsində meydan sahiblərinin futbolçusu Mirkamil Əliyev ikinci sarı vərəqəni alaraq meydandan qovulub. Onun cəzası 1 oyun olub, klubu 20 manat cərimələnib. MOİK-in baş məşqçisi Ramil Əliyev matçın 60-cı dəqiqəsində hakimlər briqadasını təhqir etdiyinə görə texniki zonadan kənarlaşdırılıb. Baş məşqçi buna görə 5 oyunluq cəza alıb, klubu 400 manat cərimə edilib.
Fanat.Az
