İŞİD terror təşkilatının de-fakto paytaxtı olan Suriyanın Rakka şəhəri ətrafında vəziyyət getdikcə xaotik hal alır.
Publika.az Türkiyə mediasına istinadən xəbər verir ki, rejim gücləri şəhəri İŞİD-dən almaq üçün YPG terror təşkilatı ilə eyni anda Rakka istiqamətində hərəkət edir.
Bəşər Əsəd gücləri son olaraq İŞİD-in əlində olan Deyr-Hafir şəhərini ələ keçirib. “Sputnik” agentliyinə danışan bir mənbə rejimi gücləri və İŞİD arasında şiddətli döyüşlərin getdiyini bildirib.
Hələb şəhəri və Fərat çayı arasında yerləşən Deyr-Hafir Əsəd rejiminin Rakka yolundakı son böyük maneəsi sayılırdı. Şəhərə Münbiç və Əl-Babdan qaçan terrorçular nəzarət edirdi.
YPG də Rakka ətrafındakı bəzi kəndləri alıb. Əsəd gücləri ilə YPG-nin davranışları Rakka əməliyyatının birlikdə həyata keçiriləcəyi təəssüratı yaradır.
Ömər