Rusiyada uçot dərəcəsi 0,25% azaldılaraq 9,75%-ə endirilib.
Publika.az xəbər verir ki, Rusiya Mərkəzi Bankının direktorlar şurası bu gün Rusiyada uçot dərəcəsinin azaldılmasına dair qərar qəbul edib.
Qərar martın 27-dən qüvvəyə minəcək.
Sonuncu dəfə Rusiyada uçot dərəcəsi ötən ilin sentyabr ayında 0,5% azaldılıb.
Rusiya Mərkəzi Bankı bəyan edib ki, ölkədə inflyasiya templəri gözləniləndən daha tez zəifləyib. Bu şərtlərlə sərt pul-kredit siyasətinin yumşaldılması ilin sonuna qədər 4%-lik qiymət artımına nail olmağa imkan verəcək.
Proqnozlara nisbətən infilyasiyanın gələcək dinamikası qiymətləndirilib, nəticədən asılı olaraq ilin 2-3-cü rüblərində uçot dərəcəsinin bir qədər də aşağı salınması gözlənilir.
Könül Cəfərli
