Məşğul idim, səhərdən axşama qədər çəkiliş meydançasında olurdum. "Hozu" filminin çəkilişlərində olurdum.
Milli.Az-ın axşam.az-a istinadən məlumatına görə, bu sözləri müğənni Natavan Həbibi "Xəzər maqazin"ə açıqlamasında deyib. Sənətçi uzun müddət gündəmdən uzaq qalmasına rol aldığı yeni filmin səbəb olduğunu söyləyib.
Saçlarını bənövşəyi rəngə boyatdıran ifaçı eynilikdən yorulduğunu söyləyib:
"Filmə çəkildiyim üçün uzun müddət eyni imicdə qaldım. Çünki kinodakı bir çəkiliş dörd günə başa gəlirdi. Stilistimə dedim ki, tamam fərqli, heç kimdə olmayan bir rəng etməlisən ki, eynilikdən çıxım. Məncə, alındı da".
N.Həbibi yeni mahnısından söz açıb:
"Yaxın günlərdə təqdim edəcəyəm. Ayrılıq var... İnsanlar ayrılır, qürura görə bir-birinə qayıtmayan, geri dönməyi eyib bilənlər üçündür. Bu mahnım onlara həsr olunur".
Milli.Az
