Bu məhsulları heç bir halda üzünüzə çəkməyin!

Bu məhsulları heç bir halda üzünüzə çəkməyin!
00:48 26 Mart 2017
Ölkə mətbuatı
A- A+

Xalq arasında yayılmış bəzi gözəllik metodları qadınların ən çox müzakirə etdiyi sevimli mövzulardır. Lakin elə məhsullarvar ki, onları üzə tətbiq etmək qətiyyən olmaz. Klassik gözəllik ritualları bəzən dəri üçün ciddi problemlərlə nəticələnə bilər. Əgər üzünüzə hansı məhsulların zərər verdiyini öyrənmək istəyirsinizsə, məqaləni diqqətlə oxuyun.

Publika.az bu yazıda oxucuları üz dərisinə zərər verən 5 məhsulla tanış edib.

Qida sodası

Əfsanələrə görə, zərərsiz qida sodası maskaları qara nöqtələrdən xilas olmağa kömək edir. Əslində isə bu ritual fəlakət ola bilər. Orta məktəbdə keçdiyimiz kimya dərsini xatırlayırıq. Dərinin normal pH səviyyəsi 4,5-dən 5,5-dəkdir, halbuki soda 9 pH-a bərabərdir. Bunu başa düşmək üçün laborant və ya dermatoloq olmaq lazım deyil. Belə olan halda dərnin epidermal təbəqəsi ciddi zərər görəcək. Sodanı hətta xama və kefirlə qarışdırdıqda da dəri üçün təhlükə mənbəyi olmağa davam edir. Bu cür skarb dərinin böyük nəm itkisinə səbəb olur və qocalma prosesini sürətləndirir.

Limon

Faydalı vitaminlərlə zəngin olan limonu mənfi qəhrəman rolunda görməyə adət etməmişik. Amma bu həmin nadir haldır. Limonla bağlı vəziyyət soda ilə eynidir: Onun pH səviyyəsi 2-yə bərabərdir, bu isə o deməkdir ki, limonun turşuluğu dəridə qıcıq yaradır. Əgər siz üzü ağartmaq və ya qüsurları aradan qaldırılmaq məqsədilə limon və limon şirəsi istifadə edirsinizsə, böyük ehtimalla ilə bu, dəridə güclü qıcıq yaradacaq və bütün qoruyucu təbəqəni məhv edəcək. Üstəlik, sitrus meyvəsinin yağları qabarlar və səpkilər yarada bilər, günəş şüaları isə yanıqlarla nəticələnə bilər. Odur ki, limonu həkim məsələhəti olmadan istifadə etməyin.

Diş pastası

Diş pastasını sızanaqlar və piqment ləkələrinə qarşı “müalicəvi” vasitə kimi istifadə etməyi birdəfəlik dayandırın! Bu, yalnız vəziyyəti gərginləşdirəcək. Çünki diş pastasının tərkibində dərini qıcıqlandıran və kimyəvi yanıqlara gətirib çıxara biləcək komponentlər var. Burnunuzdakı bütün qara nöqtələr getsə də, onun yerində çapıqlar və izlər qala bilər. Çay ağacı məhlulu daha təhlükəsizdir və daha səmərəli təsir göstərəcək.

Hidrogen peroksid

Hidrogen peroksid ən yaxşı antiseptik vasitələrdən biridir: Kəsik xəsarətləri və ya yanıq infeksiyaları ilə mübarizədə çox yaxşı təsir göstərir. Lakin bir qrup dermatolqolar iddia edir ki, bu məhsulu üzə tətbiq etmək dəhşətli ideyadır. Onun müntəzəm istifadəsi iltihab və qıcıqlanma yarada, həmçinin dərinin pH səviyyəsini və regenerasiya qabiliyyətini ciddi şəkildə poza bilər.

Şəkər

Şəkərdən dodaqlar üçün skarb kimi istifadə etmək tamamilə normal haldır. Bir qayda olaraq, onlar şirin kristallara qarşı həssaslıq göstərmir. Amma bu cür tekstura üz dərisinin səthini bəlkə də travmaya məruz qoya və mikro-çapıqlara gətirib çıxara bilər, nəticədə iltihaba və qızartıya səbəb olacaq. Hətta hazır skarblar və üyüdülmüş qəhvə də dərini yaralaya bilər. Bunun əvəzinə dəriyə düyü kəpəkləri və ya yulaf lopaları kimi pilinq tərisi göstərən yumşaq vasitələrin köməyindən istifadə etməyə çalışın.

Aytən


Xəbərin orijinal ünvanı: http://publika.az/news/gozellik/192476.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR