Ucarda "VAZ" markalı minik avtomobili yanıb.
Milli.Az APA-ya istinadən xəbər verir ki, hadisə bu gün axsam saatlarında rayonun Qarabörk kəndində baş verib.
1976-cı il təvəllüdlü Kamaləddin Şəmsəddin oğlu Yusifova məxsus " VAZ-2106" markalı maşın qəflətən alışıb. Hadisə yerinə Fövqəladə Hallar Nazirliyinin Ucar Rayon Yanğından Mühafizə Hissəsinin 2 yanğınsöndürən texnikası və canlı qüvvəsi cəlb olunub.
Hadisə zamanı avtomobilin mühərrik və ban hissəsi yanıb. Yanğınsöndürənlərin səyi nəticəsində minik avtomobilinin qalan hissəsi və yaxınlıqdaki tikililər mühafizə olunub. Fakt araşdırılır.
Milli.Az
