Milli.Az apasport.az-a istinadən xəbər verir ki, millimizin hücumçusu Dəniz Yılmaz Almaniya ilə oyundan sonra sualları cavablandırıb.
- Sanki komanda yoldaşlarınla anlaşa bilmirdin...
- Xeyr, belə bir şey yoxdur.
- Azərbaycan millisinə böyük ümidlərlə cəlb edilsən də, ardıcıl ikinci oyuna start heyətdə başlamadın. Bu, sənin üçün problem deyil?
- Xeyr, problem deyil. Baş məşqçi necə qərar versə, ona əməl etməliyik. O, belə düşünürsə, bunun əleyhinə çıxa bilmərəm.
- Bir zamanlar Tomas Müllerlə "Bavariya"da birgə çıxış etmişdin. Oyun vaxtı aranızda dialoq oldu. Nə danışdız?
- Dəyişən bir şey yoxdur. Müller köhnə dostumdu. Yaxşı anlaşırıq. Dialoqlar eynidi, ikimiz üçün də yenidən ünsiyyətdə olmaq xoş oldu.
- Millimizin bu qrupdan çıxmaq şanslarını necə dəyərləndirirsən?
- Pozitiv düşünürük. Hələ irəlidə çoxlu matçımız var. Qrupdan çıxacağımıza inanırıq.
Milli.Az