Dünən Londonun mərkəzində, parlament binasının qarşısındakı Vetsminster körpüsündə bir qrup müsəlman qadın aksiya keçirib.
Milli.Az The Guardian-a istinadən bildirir ki, onlar ötən həftənin çərşənbə günü törədilmiş qanlı terror aktının qurbanlarına dəstək və həmrəy olduqlarını bildirərək ələ-ələ tutublar.
Hicablı müsəlman qadınlara daha sonra Londondakı Qadın Marşının üzvləri qoşulublar.
Çərşənbə günü terrorçu Xalid Məsud maşını ilə parlament binasına tərəf hərəkət edərək qarşısına çıxan hər kəsi vurub. Onun qarşısını polis zabiti Keyt Palmer kəsib. Teraktda K.Palmer yaralanaraq həlak olub. Məşum teraktda 4 nəfər həlak olmuş, 29 nəfər yaralanmışdı.
Milli.Az
Digər maraqlı xəbərlər Milli.Az-ın Facebook səhifəsində 
