“Şimali İrlandiya qələbəni oyunuyla haqq etdi. Britaniyalılat qrupdakı mübarizəni ikinci yerdə bitirməyə daha yaxındı”. Fanat.Az xəbər verir ki, bu sözləri Norveç yığmasının isveçli baş məşqçisi Lars Laqerbek deyib.
DÇ-2018-in seçmə mərhələsində Norveç dünən səfərdə Şimali İrlandiyaya 0:2 hesabıyla yenilib. “Vikinqlər”in çalışdırıcısı oyunu dəyərləndirib: “Birinci yarıda pis oynadıq. Məhz buna görə fasiləyədək 2 qol “yedik”. İkinci hissədə isə pis görünmürdük”.
68 yaşlı mütəxəssis mundiala yollanmaq şanslarının az olduğunu qabardıb: “Dünya çempionatına qatılmaq şansımız çox azdı. İndiki məqamda realist olmalıyıq. Mövqeyimiz göz qabağındadı”.
Qeyd edək ki, 5 oyuna 3 xal yığan Norveç millimizin də yer aldığı C qrupunda 5-ci pillədədi.
Fanat.Az