Çinlilərin sağlamlıq sirri

Çinlilərin sağlamlıq sirri
01:03 28 Mart 2017
Ölkə mətbuatı
A- A+

Çin xalq təbabətində müxtəlif ədviyyatlar əlavə edilmiş südün xüsusi yeri var. Xüsusilə də, sarıköklü süd sağlamlıq üçün çox faydalı hesab edilir.

Publika.az sarıköklü südün faydalarını və hazırlanma qaydasını təqdim edir:

Nəyə faydalıdır?

Sarıköklü süd yuxuya getməyi asanlaşdırır, soyuqlamaya, boğaz ağrısına, həzm problemlərinə və menstruasiya ağrılarına yaxşı təsir edir.

Güclü antioksidant effekti verən sarıkök və vitaminlərlə, minerallarla zəngin süd sayəsində sağlamlığınızın qayğısına qala bilərsiniz.

Necə hazırlanır?

Qazanın içinə 1 stəkan süd töküb ocağın üzərinə qoyun. Daha sonra yarım çay qaşığı sarıkök, bir çay qaşığının dörddə biri qədər qara istiot, 1 ədəd çubuq darçın və yarım çay qaşığı kokos yağı əlavə edin. Bir neçə hil toxumunu əzin və bunu da qarışığa əlavə edin.

Hamısını yaxşıca qarışdırıb bir neçə dəqiqə bişirin. Daha sonra süzgəc vasitəsilə süzün. Dad qatmaq üçün bal əlavə edib, yatmazdan yarım saat əvvəl için.

Ləman Sultan


Xəbərin orijinal ünvanı: http://publika.az/news/saghlamliq/115711.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR