“Artıq Qərb iki dünya müharibəsindən sonrakı qədər güclü deyil. Yeni mərkəzlər, yeni güclər ortaya çıxıb. Güc xəritəsinin yenidən çəkilməsi indi daha təhlükəlidir”.
Publika.az xəbər verir ki, bunu Türkiyənin “Yeni Şafak” nəşrində İbrahim Karagül yazıb.
Onun sözlərinə görə, Atlantik oxu bir daha Yer kürəsinin gələcəyini təkbaşına müəyyən edə bilməyəcək.
“Bu isə onlara qorxunc bir qisas və təcavüzkarlıq gətirəcək. Təhlükə budur. Yalnız Türkiyə deyil, Atlantikdən Sakit okeanın sahillərinə qədər uzanan bütün müsəlman coğrafiyası, Atlantik okeanından kənarda yerləşən Rusiya, Çin, Latın Amerika, Mərkəzi Afrika, Cənubi və Cənubi-Şərqi Asiya bu yeni qisas və təcavüzkarlıqla üzləşmək məcburiyyətində qala bilər”, - yazar qeyd edib.
Qərbin Türkiyəyə qarşı hücumlarına toxunan İ.Karagül bildirir ki, Türkiyə ayaqda qaldığı müddətdə bu coğrafiyanı rahat şəkildə zəbt edə bilməyəcəklərini anlayırlar:
“Parçalayıb, bölüşdürə bilməyəcəklər. Türkiyə daha da gücləndikcə, ətrafını gücləndirdikcə əlləri zəifləyəcək ətraf coğrafiyada rahat şəkildə atlarını çapa bilməyəcəklər. Buna görə Türkiyəyə birlikdə hücuma başladılar. Səlib müharibələrində olduğu kimi Anadolunun, Çanaqqalada olduğu kimi bu ölkənin müqavimət göstərəcəyini bilirlər. Ən güclünü zəiflətmək üçün bütün cəbhələrdən vururlar”.
Ömər Dağlı
