Şabranda və Kürdəmirdə yanğın qeydə alınıb.
Trend Fövqəladə Hallar Nazirliyinin (FHN) saytına istinadən xəbər verir ki, Şabran rayonu, Xırdaoymaq kəndində vətəndaşa məxsus ümumi sahəsi 176 m2 olan ikimərtəbəli 7 otaqlı evin yanar konstruksiyaları yanıb.
Yaxınlıqdakı tikililər yanğından mühafizə olunub.
Yanğın saat 19:35-də yanğınsöndürənlər tərəfindən söndürülüb.
Digər yanğın Kürdəmir rayonu, Çöl Qubalı kəndində baş verib. Vətəndaşa məxsus ümumi sahəsi 140 m2 olan birmərtəbəli 2 otaq və aynabənddən ibarət evin 1 otağının yanar konstruksiyaları 30 m2 və aynabəndin tavanı 70 m2 sahədə yanıb.
Evin qalan hissəsi yanğından mühafizə olunub.
Yanğın saat 19:58-də yanğınsöndürənlər tərəfindən söndürülüb.
Milli.Az
Digər maraqlı xəbərlər Milli.Az-ın Facebook səhifəsində
