Bakı Sumqayıt yolunda baş verən qəzada həlak olan
Quliyev İbrahim Vüqar oğlunun anasının vəziyyəti
ağırlaşıb.
Bu barədə mərhumun bibisi Sevda Quliyeva bildirib.
Onun sözlərinə görə, İbrahimin anası Vəsilə xanım onkoloji
xəstəlikdən əziyyət çəkir: "Qəzadan sonra Vəsilənin vəziyyəti daha
da ağırlaşıb. Gündə 3 dəfə təcili tibbi yardım çağırılır. Hər gün
qəbrini ziyarət edirik. Ah - naləsi, fəryadı yerə-göyə sığmır. Axı
o uşaqların günahı nə idi?! Xəstə canı ilə atası işləyib, uşaq
böyütdü ki, kimsə onun qanına bais olsun?! O uşaq bizdə qalırdı,
mənim evimdə, Hövsanda. Hövsandan Sumqayıta oxumağa gedirdi, Allah
götürməz bu dərdi. Mənim qardaşımın imkanı yox idi ki, ayağına bir
ayaqqabı alsın, geyinsin. Atası da bizdə qalırdı, fəhlə işləyirdi.
Gündə beş manat pul qazanırdı, onun üçünü İbrahimə verirdi ki, yol
pulu eləsin. Bunu yer-göy götürməz! Mənim qardaşımın balası cırıq
şalvarla məktəbə gedib - gəlirdi. Qardaşımın pulu yox idi ki,
ikinci şalvarı alıb uşağına geyindirsin. Axşam şalvarı yuyurdum ki,
səhər qurudub məktəbə geyinsin. Bu hadisə hamımıza ağır dərd oldu.
Dözə bilmirik".
(xanım.az)
