BDU-dan açıqlama: "Yanan binanın bizə aidiyyəti yoxdur"

BDU-dan açıqlama: "Yanan binanın bizə aidiyyəti yoxdur"
13:42 29 Mart 2017
115 Ölkə
Ölkə mətbuatı
A- A+

Yeni Yasamal 2 Yaşayış Massivində yerləşən 10 nömrəli binanın 9-cu mərtəbəsində baş verən yanğının Bakı Dövlət Universitetinin (BDU) müəllimləri ilə heç bir əlaqəsi yoxdur. Həmin bina BDU-nun müəllimləri üçün tikilən bina deyil.

Milli.Az xəbər verir ki, bu barədə azvision.az-a BDU-nun prorektoru Nəbi Ramazanlı deyib. Onun sözlərinə görə, yanğın olan bina vaxtilə Azərbaycan Texniki Universitetində işləyən fizik, Alim Cəfərovun təşəbbüsü ilə tikilib. 

"Yanğın baş verən binada ola bilər ki, Bakı Dövlət Universitetinin 1-2 müəllimi yaşasın. Lakin həmin bina universitetin müəllimlər üçün tikilən binası deyil. Müəllimlərin binası universitetin lap yaxınlığında, "Hidayət" məscidinin yanında yerləşir. Digər bina isə Nərimanov heykəlinin yanındadır. Onların heç birində yanğın olmayıb. Yayılan məlumat yalnışdır".

Qeyd edək ki, Yeni Yasamal 2 Yaşayış Massivində yerləşən 10 nömrəli binanın 9-cu mərtəbəsində yanğın baş verib. KİV-lərdə yayılan məlumata görə, yanğın BDU-nun müəllimlərinə məxsus binada olub.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/country/530172.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR