Əməkdar artisti Tahir İmanov ata olub.
Publika.az-ın xəbərinə görə, İstiPress-ə açıqlama verən yumorist bu xəbəri yazanlara əsəbləşib və heç kəsə halallıq verməyib: "Bu, mənim şəxsi həyatımdır. Sizə və ya başqa sayta kim ixtiyar verir ki, mənim şəxsi həyatım haqda məlumatı mənim icazəm olmadan işıqlandırasız? Bu xəbəri yazanlara halallıq vermirəm. Haramları olsun. Xahiş edirəm ki, mənim sözlərimi olduğu kimi yazasınız. Mən aktyoram. Mənə sənətimlə bağlı nə suallarınız varsa, istənilən zaman cavablandırmağa hazıram. Mənim şəxsi həyatıma müdaxilə etməyin!"
Qeyd edək ki, bu gün Tahir İmanovun ata olması haqda xəbər çıxıb. Məlumata görə, Əməkdar artistin qızı olub.