"Arsenal"ın hücumçusu Aleksis Sançezlə "Çelsi"nin ciddi maraqlandığı barədə söz-söhbət gəzir. Çilili futbolçunun "topçular"la 2018-ci ildə başa çatacaq müqaviləsini yeniləməməsi də müəyyən şübhələrə səbəb olub.
Milli.Az goal.az-a istinadən xəbər verir ki, Sançezin son açıqlaması bu şübhələri daha da artırıb.
"London xoşuma gəlir. Burada qalmaq istəyirəm. Amma mükafatlar qazanan, qalib ruhu olan komandada. Hələ 28 yaşım var. Karyeramın bitməsinə çox var. Formada qalmağa çalışıram" - Aleksis qeyd edib.
Onunla maraqlanan klublar arasında PSG, "Yuventus" da var.
Milli.Az
