İstanbuldakı məktəblərin birində 8-ci sinif şagirdinin qanı axıb.
Milli.Az "Milliyet"ə istinadla bildirir ki, şagirdlər arasında çıxan mübahisə bıçaqlanma ilə nəticələnib.
13 yaşlı şagird özündən bir yaş böyük məktəb yoldaşını üzərində gəzdirdiyi bıçaqla yaralayıb. O, müəllimdən tualetə getmək adı ilə icazə alıb və sinifdən çıxıb. Sonra sinifə qayıtmaq əvəzinə həyətə düşən A.A futbol oynayan şagirdlərin arasındakı Y.S.-dən topu istəyib. Lakin 8-ci sinif şagirdi Y.S topu ona verməyib.
İkili arasında mübahisə yaranıb. A.A cibindən çıxardığı bıçaqla Y.S-nı sinəsindən bıçaqlayıb.
Y.S dərhal xəstəxanaya çatdırılıb. Onun vəziyyəti normaldır.
A.A isə polis tərəfindən saxlanılıb. Məsələ ilə bağlı araşdırma aparılır.
Məsələ ilə bağlı məktəbdən açıqlama alınmayıb.
Milli.Az
Digər maraqlı xəbərlər Milli.Az-ın Facebook səhifəsində
