Şimali Atlantika İttifaqına (NATO) üzv ölkələrin xarici işlər nazirlərinin görüşündə Rusiyanın təcavüzünə cavab addımları müzakirə olunacaq.
Publika.az “RİA-Novosti” agentliyinə istinadən xəbər verir ki, bu haqda ABŞ-ın dövlət katibi Reks Tillerson deyib.
“Nəhayət ki, biz Avropada, xüsusi halda, Avropanın şərqində, Ukraynada və başqa yerlərdə Rusiyanın təcavüzünə cavab olaraq NATO-nun mövqeyini müzakirə edirik”, - Tillerson bildirib.
Onun sözlərinə görə, xarici işlər nazirlərinin görüşündə müzakirə ediləcək digər məsələ İŞİD terror təşkilatı ilə mübarizədə NATO-nun iştirakı məsələsidir.
Ömər Dağlı