İspaniya millisinin və "Real"ın sabiq futbolçusu Raul Qonzales klubun prezidenti Florentino Peresin köməkçisi olacaq.
Fanat.Az xəbər verir ki, bu barədə "Onda Cero" məlumat yayıb.
Xəbərə görə, Raul vəzifəsinə 2017-ci ilin iyun ayında başlayacaq. Onun "Atletiko" ilə matça Peres ilə görüşmək üçün gələcəyi gözlənilir.
40 yaşlı veteran futbolçu hazırda İspaniya Peşəkar Futbol Liqasının ABŞ-da səfiridir.
Qeyd edək ki, Raul Qonzales "Real"ın yetirməsidir. O, 1994-cü ildən 2010-cu ilə qədər əsas komandada çıxış edib. Madrid klubunun heyətində 6 dəfə İspaniya , 3 dəfə isə Çempionlar Liqasının qalibi olub.
Fanat.Az