Dünyanın bir nömrəli narkobaronu sayılan və hazırda ABŞ həbsxanasında cəza çəkən, "El Çapo" ləqəbli meksikalı Xoakin Quzmana gözlənilməz dəstək gəlib.
Milli.Az istipress-ə istinadən xəbər verir ki, Beynəlxalq Əfv Təşkilatı "El Çapo"nun ağır həbsxana şəraitinə görə ABŞ-ı tənqid edib.
"Aydın məsələdir ki, Xoakin Quzman cinayət işlədib. Təbii ki, onun həbsi normaldır. Ancaq 23 saat qapalı kamerada saxlanılması, sadəcə 1 saat gün işığına icazə verilməsi doğru deyil. Yersiz cəzadır" - Beynəlxalq Əfv Təşkilatının bəyanatında qeyd olunub.
Xatırladaq ki, narkobaron Xoakin Quzman ötən ilin əvvəlində Meksikada saxlanıldığı həbsxanadan qaçmış, ancaq ilin sonunda ABŞ xüsusi təyinatlılarının yardımı ilə yenidən tutularaq Nyu-Yorkda ciddi mühafizə olunan həbsxanaya köçürülmüşdü.
Milli.Az
Digər maraqlı xəbərlər Milli.Az-ın Facebook səhifəsində