UNEC-də 31 mart soyqırımı qurbanları anılıb

UNEC-də 31 mart soyqırımı qurbanları anılıb
18:04 31 Mart 2017
90 Digər
Ölkə mətbuatı
A- A+

 

UNEC-də 31 Mart - Azərbaycanlıların Soyqırımı Günü ilə bağlı tədbir keçirilib.

 

Universitetin mətbuat xidmətindən Lent.az-a verilən məlumata görə, ali təhsil müəssisəsinin professor-müəllim heyəti və tələbələrinin iştirakı ilə keçirilən tədbirdə tələbələrlə iş üzrə prorektoru, dosent Səadət Qəndilova ermənilərin Azərbaycan xalqına qarşı müxtəlif dövrlərdə həyata keçirdikləri soyqırımı və işğalçılıq siyasəti barədə məlumat verib.

 

O bildirib ki, ermənilərin azərbaycanlılara qarşı törətdikləri soyqırımı aktlarına ilk siyasi-hüquqi qiymət Heydər Əliyevin 1998-ci il martın 26-da imzaladığı “Azərbaycanlıların soyqırımı haqqında” fərmanla verilib. Prezident İlham Əliyevin 30 dekabr 2009-cu il tarixli sərəncamı ilə isə Quba şəhərində “Soyqırım Memorial Kompleksi”nin yaradılması qərara alınıb.

 

“Humanitar fənlər” kafedrasının professorları Hidayət Cəfərov, Abbas Seyidov və “Əməyin iqtisadiyyatı” kafedrasının müdiri, professor Tofiq Quliyev soyqırım hadisələri barədə tarixi faktlarla çıxış ediblər. 1918-ci ilin mart-aprel aylarında təkcə Şamaxıda 8 minə qədər dinc sakinin qətlə yetirildiyini, milli memarlıq abidələri, məktəb, xəstəxana, məscid və digər tikililərin yerlə-yeksan edildiyini bildiriblər.

Çıxış edənlər erməni daşnaklarının törətdiyi bu cinayətləri kəskin tənqid edərək, gənclərin vətənpərvərlik ruhunda tərbiyə olunmasında bu faciələrin anılmasının əhəmiyyətini vurğulayıblar.

 

Tədbirin sonunda Mehriban Ələkbərzadənin “Tarixin bir günü və ya bir günün tarixi” adlı sənədli filmi nümayiş olunub.

 

 

 


Xəbərin orijinal ünvanı: http://news.lent.az/news/271038

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR