Macarıstanın Sombathey şəhərində keçirilən güləş üzrə U-23 Avropa çempionatı davam edir.
Metbuat.az xəbər verir ki, dördüncü yarış günündə 53, 58, 63 və 75 kq çəki dərəcələrində qadın güləşçilər mübarizə aparıb.
Qadın güləşçilərimiz çempionatı 1 gümüş və 1 bürünc medalla başa vurub.
53 kq-da mübarizə aparan Leyla Qurbanova Almaniya, Polşa və Moldovadan olan rəqiblərini mübarizədən kənarlaşdırıb və finala yüksəlib. Finalda güləşçimizin rəqibi Ukrayna idmançısı olub. Gərgin keçən qarşılaşma rəqibin xeyrinə başa çatıb. Leyla Qurbanova çempionatın gümüş medalına sahib olub.
58 kq çəkidə yarışan Alyona Kolesnik Polşa və Rusiyadan olan rəqiblərini tam üstünlüklə məğlub etsə də yarımfinalda təcrübəli Ukrayna idmançısına uduzub. Güləşçimiz bürünc medal uğrunda görüşə haqq qazanıb. Həlledici görüşdə Fransa təmsilçisini tam üstünlüklə məğlub edən Kolesnik çempionatın bürünc medalını qazanıb.
53 kq
FİNAL - Lilya Horişna (UKR) - Leyla Qurbanova 11:8
1/2 final - Leyla Qurbanova - Yulia Leorda (MDA) 12:2
1/4 final - Paula Kozlov (POL) - Leyla Qurbanova 1:3
1/8 final - Leyla Qurbanova - Annika Vendle (GER) 13:2 (tuşe)
58 kq
Bürünc medal görüşü - Metty Phoebe Aglae Greneron Mondange (FRA) - Alyona Kolesnik 4:12
1/2 final - Tetyana Kit (UKR) - Alyona Kolesnik 5:2
1/4 final - Veronika Çumikova (RUS) - Alyona Kolesnik 0:6 (tuşe)
1/8 final - Katarzyna Madrovska (POL) - Alyona Kolesnik 0:10
63 kq
Təsəlliverici görüş - Yuliana Yaneva (BUL) - Elmira Qəmbərova 7:6
1/4 final - Petra Olli (FİN) - Elmira Qəmbərova 5:2
1/8 final - Elmira Qəmbərova - Natalia Gizela Kubaty (POL) 5:0 (tuşe)
