"Intel" korporasiyası tərəfindən təqdim edilmiş yeni tip kompüter yaddaşı kompüter texnologiyaları sənayesində inqilab edə bilər. İnnovativ həll "3D XPoint" adlandırılıb. Yeni hazırlama özündə iki yaddaş tipinin funksiyalarını birləşdirir və əksər sərt disklərdən 1000 dəfə daha sürətli işləyən "informasiya anbarları" yaratmağa imkan verəcək. "Intel" korporasiyası hələ ki yeni texnologiyanın iş prinsipini sirr kimi saxlayır.
Milli.Az ICTnews-a istinadən bildirir ki, kompüterlərdə informasiyanın saxlanılması üçün ənənəvi olaraq iki "anbar" tipindən istifadə edilir: sərt disk və "DRAM" yaddaş tipinin ayrı-ayrı xanaları. "DRAM" yaddaşı informasiyanın qısamüddətli saxlanılmasında istifadə olunur, daha sürətli, amma bahadır və sərt disklərlə müqayisədə ölçüsü kiçikdir.
"3D Xpoint" həlli hər iki yaddaş növünü əvəz edəcək. ABŞ şirkətinin nümayəndəsi bildirir ki, bu halda yeniliyin məhsuldarlığı sərt disklərlə müqayisədə 1000 dəfə, yadda saxlanılan informasiyanın tutumu isə "DRAM" yaddaşla müqayisədə 10 dəfə çox olacaq.
Milli.Az
Digər maraqlı xəbərlər Milli.Az-ın Facebook səhifəsində
