Gürcüstanda NATO günləri keçiriləcək. APA-nın Gürcüstan bürosunun məlumatına görə, sabahdan başlanacaq NATO günləri bir həftə davam edəcək. NATO və Avropa İttifaqı İnformasiya Mərkəzindən verilən məlumata görə, NATO günləri çərçivəsində əyləncə və maarifləndirici tədbirlər proqramı həyata keçiriləcək.
NATO günlərində təşkil olunan tədbirdə Gürcüstanın Avropa və Avro-Atlantik strukturlara inteqrasiya məsələləri üzrə dövlət naziri Viktor Dolidze və NATO və Avropa İttifaqı İnformasiya Mərkəzinin direktoru Nino Bolkvadze çıxış edəcəklər.
NATO və Avropa İttifaqı İnformasiya Mərkəzindən verilən məlumata görə, NATO günlərinin azərbaycanlıların kompakt yaşadığı bölgələrdə də keçirilməsi planlaşdırılıb.
Qeyd edək ki, NATO günlərinə həsr olunan tədbirlər aprelin 11-də başa çatacaq.
