Ermənistanda aprelin 2-də keçirilmiş parlament seçkisinin ilk nəticələri məlum olub.
Publika.az xəbər verir ki, bu barədə Ermənistan Mərkəzi Seçki Komissiyasının məlumatında bildirilir. İndiyə qədər 106 məntəqədən protokollar MSK-ya daxil olub.
İlk yeri səslərin 59,99%-ni toplayan Respublika partiyası tutur. İkinci yerdə “Tsarukyan” bloku (22,12%), üçüncü yerdə isə “Daşnaksutyun” partiyasıdır (8,37%).
Digər partiya və bloklar 4%-dən az səs toplaya bilib.
Qeyd edək ki, parlamentdə təmsil olunmaq üçün partiyalar ən azı 5, bloklar isə 7 faiz səs qazanmalıdır. (apa)
