Avstraliyada “Debbi” qasırğası nəticəsində ölənlərin sayı artıb.
Publika.az xəbər verir ki, ölkənin şimal-qərbində yerləşən Kvinslend ştatında 5 nəfər təbii fəlakətin qurbanı olub. Bundan əvvəl 2 nəfərin öldüyü bildirilirdi.
Yağan şiddətli yağışlar Kvinslend və Yeni Cənubi Uels ştatlarında çoxsaylı daşqınlara səbəb olub. “Debbi” son altı il ərzində Avstraliyada qeydə alınan ən dağıdıcı qasırğa olub. Martın 29-dan etibarən polis və xilasedicilər tərəfindən 400 nəfər xilas edilib.
