Çinin Anhoy vilayətindəki neft şirkətinin anbarında baş vermiş partlayış zamanı 5 nəfər ölüb, daha 3 nəfər xəsarət alıb.
Publika.az xəbər verir ki, hadisə Ançin şəhərində, "Wanhua" şirkətinin anbarında qeydə alınıb. Anbar partlayışdan sonra yanıb. Yanğınsöndürənlər alovu söndürmək üçün 3 saat vaxt sərf ediblər.
Hadisə zamanı ölənlərin cəsədləri bazar ertəsi səhər aşkarlanıb. Hazırda yaralılara xəstəxanada tibbi yardım göstərilir.
Hadisənin başvermə səbəbləri araşdırılır.
