“Wi-Fi” texnologiyasını 100 dəfə sürətləndirmək üsulu tapılıb

“Wi-Fi” texnologiyasını 100 dəfə sürətləndirmək üsulu tapılıb
15:35 3 Aprel 2017
Ölkə mətbuatı
A- A+

“Wi-Fi” texnologiyası hazırda 2,5 və ya 5 QHs tezlikli radiosiqnallarda işləyir. Niderlandda hazırlanmış sistem dalğa uzunluğu 1500 və daha böyük nanometr olan infraqırmızı şüalanmadan istifadə edir. Bu şüalanma indi mövcud olan analoqlarını 1000 dəfə üstələyən tezlikdə (təxminən 200 THs) işləyir. Nəticədə işıq şüalanmasının tutumu kifayət qədər yüksək olur. Bu tədqiqatın müəllifi Coann O 2,5 metr məsafədə 42,8 Qbit/s sürətinə nail olub. Müqayisə üçün, Niderlandda internetə orta qoşulma sürəti 2000 dəfə azdır (17,6 Mbit/s).

“ICTnews” Elektron Xəbər Xidməti “cnews.ru” saytına istinadən yazır ki, hollandiyalı alimlərin ixtirası böyük məbləğ və vaxt itkisi tələb etmir. Simsiz məlumatlar bir neçə mərkəzi "işıq antenası”ndan ötürüləcək. İşıq antenaları işıq şüalarını çox dəqiq ötürmək qabiliyyətinə malikdirlər və bu qurğuda hərəkət edən hissələr nəzərdə tutulmadığına görə xidmətə ehtiyac yoxdur və əlavə enerji tələb etmir.

İşıq dalğasının uzunluğunu dəyişdikdə, həmçinin işıq şüalanmasının istiqaməti dəyişir. İstifadəçi internetə qoşulmuş qurğu ilə birgə yerini dəyişdirdikdə işıq antenaları yüklənməni bir-birinə ötürür.

Beləliklə, yeni həll, həmçinin şəbəkəni yükləməyəcək. Gözün torlu qişasının həssas hissəsinə çatmayan təhlükəsiz infraqırmızı şüalanmadan istifadə edildiyindən bu metod tamamilə zərərsizdir.

Emil Hüseynov



Xəbərin orijinal ünvanı: http://ictnews.az/read-46901-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR