Millət vəkili Adil Əliyev və istefada olan general-leytenant Yaşar Aydəmirov Lider televiziyasında yayımlanan “Mövqe” verilişinin qonağı olub. Verilişdə ordu quruculuğu və aprel hadisələri müzakirə olunub.
Publika.az xəbər verir ki, Adil Əliyev verilişdə aprel döyüşləri Azərbaycan xalqının Qarabağa qayıdış arzusunun gerçəkləşməsi yolunda böyük bir addım olduğunu bildirib.
Millət vəkili əlavə edib ki, düşmən Azərbaycanın real gücünə şahidlik etdi.
“Həmçinin, aprel hadisələri Ermənistanda siyasi proseslərin gərginləşməsinə səbəb oldu. Azərbaycan prezidenti İlham Əliyevin qeyd etdiyi kimi: “Aprel hadisələri Ermənistan rəhbərliyinin unutmamalı olduğu dərsdir”, - deyə A.Əliyev qeyd edib.