"Real"ın müdafiəçisi Naço Fernandes La Liqanın son turu çərçivəsində "Alaves"lə görüşdə fərqlənməyə imkan tapıb.
Metbuat.az-ın məlumatına görə, Naço Madrid klubunun heyətində bu mövsüm Primeroda qol vuran 19-cu futbolçudur. Daniel Karvaxal və Fabio Koentrau istisna, "Real" forması geyən bütün oyunçular rəqib qapılarına yol tapıb.
Bununla da paytaxt təmsilçisi növbəti dəfə İspaniya rekordunu təkrarlayıb. 1994-95 mövsümündə "Valensiya"nın heyətində 19 müxtəlif futbolçu fərqlənməyi bacarmışdı. Cəmi 1 il sonra isə "Real" oxşar nəticə ilə yadda qalmışdı.
Qeyd edək ki, komandanın vurduğu qolların 25%-nin altında Kriştianu Ronaldunun imzası var.