"Sevilya"nın sabiq idman direktoru Ramon Monçi Daniel Alveşi ən uğurlu transferi kimi qiymətləndirib. Milli.Az goal.az-a istinadən xəbər verir ki, ispaniyalı funksioner bunları deyib:
""Sevilya" üçün ən uğurlu transferim Daniel Alveşdir. Bu transfer özünü tamamilə doğrultdu. Onu heç kim tanımırdı. Kluba adaptasiya üçün Alveşə müəyyən vaxt verdik. O inkişaf etdi, titul qazanmaqda bizə kömək etdi. Bundan sonra onu 35 milyona avroya satdıq. Alveşin transferinə cəmi 800 min avro xərcləmişdik".
Alveş 2002-ci ildə "Bahia"dan Əndəlus klubuna keçmişdi. O, 2008-ci ildə "Barcelona"ya, 2016-cı ildə isə "Juventus"a keçib.
Milli.Az