Azərbaycan teatrının “ƏSA”sı növbəti tamaşasını
hazırlayır.
Publika.az xəbər verir ki, ölkədə bir ilkə imza atan, əsas
heyəti fiziki məhdudiyyətli şəxslərdən ibarət inklüziv ƏSA Teatrı
dahi ingilis dramaturqu Uilyam Şekspirin “Yay gecəsində yuxu”
romantik komediyasını səhnələşdirəcək.
Teatrın baş meneceri Nicat Qulamın verdiyi məlumata görə, artıq
premyera günü təyin edilib və tamaşa hazırlığı sürətli şəkildə
davam edir. Bu dəfə ki, səhnə əsərində 10-u fiziki məhdudiyyətli
olmaqla 15 aktyor iştirak edəcək. Tamaşanın quruluşçu rejissoru
Şamil İbrahimov, ikinci rejissoru isə teatrın bədii rəhbəri Nihad
Qulamzadədir.
